بی تو غوارم گل مو
وا تو دیارم گل مو
بی تو مو پاییز غمم
ری تو بهارم گل مو
سَولِ بلندم وِ تو دی
نیرَسِه دستم
زِ غمت نیگِرِه رَو پام
به خدا دل وِ تو بَستُم
دل مونِه بُردی
داینی گلم
تَیت نَنِشَستُم
جون و دلم ایکُنِه مستم
بو تو گلم ایکنه مستم
*
گل کُجَنی گل کجنی
زنجیرِ تونِه پا دلِ مو
وا چه کنم ای گلِ مو
نیسازِه دلت وا دلِ مو
تَش تونه مِن چاله دلم
سی تونه ئی ناله دلم
سی تونه ئی ناله دلم
دی کجنی یار
نادِه غمت سر تَشِ سُحر
دینشتِ دلم
تی به رَهُم مِن وارِ مو
وا کی بُوَنی بار
**
دی بده ها وِ دلم
نی دیه نا و دلم
ری تونه باوِ دلم
دُر بده جا و دلم
رنگِ گُلا سُحرِ بهار خینِ دلم
تنگه دلم تنگه دلم آخ کُجِنی یار؟!
داغ تو گُل منده وُلا مینِ دلم
نیکَشِه کُه نیکَشِه کُه ایهمه بارم
